يارب كتير بنسى اشكرك

كتير بيعدى عليا ايام و مش بفكر قد اية انت تستحق منى ولو اقل حاجة انى اقولك شكرا

ممكن لان كلمة شكرا اختفت من حياتنا

يمكن لانى مش بحس انك بتعمل معايا امور عظيمة لان المفروض انك تعمل معايا كدة

من غبائى بفتكر كدة

يا رب بفتكر انى اشكرك لما بشعر انك ادتنى كتير وبس

لكن لو مدتنيش يبقى لازم اقولك لية كدة يا رب?

بقالى يومين نفسى اقولك شكرا و مكسل

مش لاقى وقت وانا معنديش حاجة

كل ما اجى اكلمك انشغل بتفاهات و مشاكل وكلام بدون قيمة

بضيع وقت بدون ما اقولك كلمة شكرا

خايف الايام تنتهى و ملحقش اقولهالك

بس النهاردة انا جاى اقولك شكرا

يا رب انا بشكرك لاجل محبتك ورحمتك اللى بتمنحانى وانا غير مستحق

يا رب بشكرك لاجل حمايتك ليا فى الطريق و فى بيتى و عملى

يا رب بشكرك لاجل انك منحتى صحة ولم يكن بى مرض او علة

يا رب بشكرك لاجل انك تشبعنى ولم تجعلنى محتاج او فقير

يا رب اشكرك لان لى اسرة وبيت و اصدقاء

يا رب اشكرك لانك لم تغربنى فى بلاد اخرى

يا رب اشكرك لانك منحتى ان اخدمك وان اكون خدام لاولادك الاصاغر

يا رب اشكرك لاجل رعايتك لى كخروف ضال

يا رب اشكرك لانك وهبتى حكمة و محبة فى قلبى

يا رب اشكرك لانك جعلتنى ابنك و انت هو ربى و ابى و الهى

يا رب اشكرك كثيرا حتى فى خسارتى و ضيقى و المى

يا رب اشكرك فى وقت شكوتى و انهياراتى

يا رب اشكرك وانا ضائع

اشكرك لانك احتملتنى كل هذة الفترة بدون ان اشكرك

» أتعذبت عشاني كتير
» نغمات كتير للكريسماس
» فواصل كتير لتزين المواضيع
» احبك يارب في خلوتي
» : فساتين روعه يارب تعجبكم