بحبك _خايف_ياترى !!!!

ياترى لو مكناش اتقابلنا كان طريقنا هيبقى شكله ازاى

كان هيبقى واحد اتجاهنا ولا اتنين رايح جاى

ساعات كتير اقول ده نصيب وساعات اقول دى مرحلة تاديب

واخاف اخرج من المرحلة دى بجراح عمرها ما هتطيب

لكن وانتى معايا بنسى الدنيا

ولما الاقى لون البحر فى عيونك الزرقا النقية

ولما ضحكتك الهادية الى بتهون عليا

وعلى الشط اطير بيها وتطير بيا

احس ان الفرح قريب

وابقى واثق ان نظرتى لا يمكن تخيب

لكن الخوف من الناس الى بتعيب بيخلى الياس منى قريب

بس دايما بتلحقينى وتطمنينى

وتقوليلى الى خلقنا معانا

ومن الفرح هيعطيك ويعطينى

لكن الصبر !! طب لحد امتى هفضل عايش فى قهر

الاقى ربنا بيكلمنى بعنيكى ويقلى لكل شىء تحت السما وقت

دلوقتى تروق وتحلى ويتعدل البخت

طب ماناس كتير فى الراى مش موفقانى

وانا الى وحدى بعانى ومهما اتكلم مافيش غيرك حسانى وسمعانى

ده بيخلينى اتوجع تانى لان خايف يكون مكانك مش نفسه مكانى

ساعتها الانتكاسة هتبقى مستنيانى

يارب لو كاتب الخير عجل بيه والانين الى فى قلوبنا داويه

ومن صبرك وحكمتك اعطيه

ومن التفكير ارحمنا لاننا بالفعل تعبانين فى زماننا

واحتمالنا قرب يخلص من الحنين لوطنا

ياريت تكون حاضر معانا دلوقت

عشان اقدر اقول انى من الفخ انفلت واقدر بيك اتغلب على الوقت

ياريت تكون حاضر ونورك يرشدنا لاننا بجد اتعذبنا

وثقتنا فيك انك من القوة توهبنا علشان ضعفنا وياسنا مايبقاش غالبنا

مالناش غيرك انت حبيبنا

حارسنا بصليبك وبنورك حامينا

بقيت لينا واحنا ليك ومسلمينلك السفينة

وواثقين فى تخطيطك لحياتنا وارادتك هى الى هتمشينا

سلام مننا وسلام منك مستنينه يسكنا يا فادينا

» بحبك يايسوع